特色fusion在麗星

今個暑假小妹有幸嚐到麗星郵輪處女星號行政總廚蔡祟輝先生既招牌菜。第一次聽到蔡總廚把聲,以為係同鄉啦,點知佢係馬來西亞人~

Jpeg

先介紹呢碟雙色鵝肝小方餃配柑橘香醋,外皮紅綠色係因為用左紅蘿蔔和菠菜汁造成,裡面個餡則用左雞肉﹑鵝肝﹑忌廉攬拌而成。方餃咁迷你,一啖就食得哂!而且食既時候中和鵝肝既肥膩感,旁邊配菜亦不能忽視啊,酸酸甜甜,適合咁炎熱的天氣。

IMG_1274

第二碟上既係龍蝦帶子香茅炖湯,飲落去真係好清新,湯面一滴油都見唔到,總廚喺前一晚用左8個鐘,無明火煮食底下炖出來的。每一啖都充滿著總廚對食物搭配既用心,我點可以唔飲哂佢?

IMG_1275 終於到招牌菜–岩鹽焗三文魚,呢道菜比較玩味濃,總廚用了鹽焗雞的烹調方法來處理呢塊三文魚!去片先~

IMG_1280

Jpeg

我急不及待飲左一啖湯,味道酸酸的,而呢塊三文魚煮得很嫩,不過我覺得用慢煮的方法係最嫩的!

主菜過後,點可以無甜品呢?紅酒梨子釀朱古力忌廉雲尼拿雪糕小妹其實不太喜愛任何同水果有關的甜品,香梨吸收了紅酒的精華,食落有少許辣辣的味道,而朱古力則中和這陣辣辣感覺,所以食一口有齊甜辣味道。

IMG_1286

麗星郵輪俾我既印象係上左年紀既人先會選擇,而作為年青一代的我就十分抗拒,不過細問之下,原來依家既旅程唔使去成一個月先有得落船,而係最短可以4至6日就可以落船,岩哂我呢d熱衷短trip既人。聽負責人講,佢地到每個spot都會購入當地特色產品,而且很多在坊間亦未必買到!船上仲有好多岩年輕人既娛樂,有pool side party, 不時有出名DJ打碟添。

 

 

台式簡約風 Café 登陸尖沙咀

原來綠野仙踪喺尖吵咀係有分店嫁!唔行入中港城真係唔知呢!
夠鐘Tea Time☺睇睇MENU呢個鐘數食咩醫肚先……

小編作為芝士狂熱就梗係吖個 「煙三文魚芝味吐司薄餅」先~ 講講呢塊Pizza先,用焗到金黃嘅厚多士做個底,認真嘅係個底有少少硬,但呢塊Pizza面落左唔同嘅Parmesan Cheese,曉拉絲嫁!配上三文魚花花真心係幾啱key, 唔好忽略格尼嘅蛋沙律,真心幾入味,係甜咗啲啲!而且都係40幾蚊左右,唔貴囉!配埋呢杯朱古力沙冰特飲真係有啲罪惡感,但食完先減啦HeHe

8


7

6

朋友仔就吖左另一個4.5cm厚嘅Waffle, 呢個叫抹茶紅豆Waffle, 師傅真係喺記者眼前度過有4.5cm厚,三個人分呢一個Waffle都得啊!個綠茶雪糕都幾香,上面有啲糖霜又有好多紅豆,仲有啲唔酸嘅士多啤梨嫁☺真心好夠份量,一個男仔都未必食得晒😂而且影相呃Like呢個掂啊真心💟

5

仲有兩杯嘢值大家試嘅 ☺ 小編最愛就係呢個水果茶,清下喉嚨,佢同其他台式舖頭嘅分別喺,又真係多鮮果,而且又係唔係死甜,又香又濃,個粒話梅係成杯茶嘅靈魂,好開胃㗎!!拿唔鐘意話梅嘅走左佢都ok嘅 😂 杯嘢都喺30幾蚊,勁大杯☺☺

4

呢杯珍珠奶茶啫喱芭菲最特別唔係俾你飲,係食㗎,雖然我地都認為啲cream多左少少,不過杯嘢有珍珠又有好香奶茶味嘅啫喱,食下食下都停唔到😢😢又有粒粒紅豆,杯嘢都幾有Gimmick☺

2

仲有層層疊雪糕多士同杯杯布丁都幾清新㗎,前者仲有蜜糖係多士上面,40幾蚊cafe尼講真係平囉!係個淡忌廉醬唔洗點樣點佢嘅,影相就一流!仲有個古早木桶豆腐花架~

間嘢仲有下午茶30幾蚊都有!加吐司甜品半價優惠㗎!推介各位去中港城幫襯下,環境真係幾舒服☺



綠野仙踪 – 尖吵咀分店
地址:尖沙咀廣東道33號中港城平壹 6 座 2 號舖
營業時間:
Mon-Sat  –  08:00 AM–  08:00 PM
Sun/公眾假期 –  10:30 AM – 08:00 PM

 

PAN de PAIN Pancakes & Sweets

話說尖沙咀開左間新嘅甜品店,位置係K-11入面嘅。呢間舖頭不設訂座同限時,所以日日都大排長龍咁濟。咁岩小編個日行過見未有人等位,就同朋友去左試。

小編獲安排坐係吧枱,餐廳係設有開放式廚房,客人可以清楚睇到餐點嘅製作過程。而呢間店舖主打賣Pancake,另外有一款差不多張張枱都叫嘅梳乎厘,小編就叫左個All day breakfast同埋士多啤梨pancake。

梳乎厘食落夠空氣感但唔會太膩,而all day breakfast就portion比較細,算係不過不失啦。最值得試係士多啤梨pancake(每晚6點後供應),士多啤梨夠甜唔會酸,而pancake亦整得夠鬆軟。鬆餅之間夾滿豐富嘅士多啤梨Cream,實在係太幸福喇。同款pancake仲有朱古力味嫁,快啲去食喇~

綠野小廚

綠野小廚位於尖沙咀加拿芬道2號13樓,每日營業時間為12點至5點。小店主打生機素食,隔離係生機食材專賣店。早上綠野小廚係餐廳,夜晚就會舉行身心靈工作坊。想去食午餐嘅朋友記得要提早訂座,因為繁忙時間都幾爆下。

因為係第一次光顧,一坐低店員會細心地介紹餐廳同餐牌俾顧客認識。餐牌每個星期轉一次,而今個星期嘅餐牌係紫菜卷同上海菜飯(二選一),每個餐會送餐湯同沙律。其實個湯係Smoothie黎,入口好重香蕉味,係用攪拌機將香蕉﹑菠菜同檸檬一齊攪出來的,喜愛香蕉嘅朋友一定唔可以錯過。至於沙律嘅醬汁非常清新,問落原來係加入左熱情果同檸檬汁,酸酸甜甜夠晒開胃!至於主菜紫菜卷個樣係好似手卷咁,入面有青瓜同紅黃椒,口感非常爽口,配合埋岩岩適中分量嘅牛油果,夠晒refreshing呀!最有驚喜都係甜品椰子菠蘿蛋糕,蛋糕用椰子油製成,完全冇蛋﹑牛奶同麵粉。因為椰子油係室溫會凝固,所以入口時變成體溫環境,就會有入口即溶嘅效果。不過要留意嘅係呢到嘅食物份量較細,但有環境同服務態度都夠晒爆分啦。

旺角Uncle Tetsu

早排小編經過廣華醫院總係見到呢間舖大排長龍,有日戰勝唔到好奇心去睇下,發現竟然係Uncle Tetsu開左係旺角,就買左番去同朋友仔開始share喇。

其實點解間舖無時無刻都有條人龍係門口等呢?原來就係要等芝士蛋糕出爐呀!店舖舖面彌漫住一陣好濃郁嘅蛋糕味道係因為Uncle tetsu嘅芝士蛋糕係即焗即賣。顧客買完飛要排隊等新一輪蛋糕出爐,所以門口成日都會有條人龍係到喇。

旺角店除左原味芝士蛋糕之外,仲有賣Angel’s Hat芝士蛋糕。而鮮焗嘅正正係原味個款。原味蛋糕熱食時極鬆軟,但口感同一般芝士蛋糕唔同,冇左個種黏口的感覺。而凍食都係另一個唔錯嘅選擇,口感依舊鬆軟,但芝士味比熱食時實在好多。IMAG0084

IMAG0089

一個咁QQ嘅原味芝士蛋糕只係賣緊59蚊炸!住新界九龍嘅朋友以後喺旺角都可以買到喇。

 

Butcher’s Club

小編星期日晚同左個朋友去金鐘食飯,個朋友話想去食漢堡包,話有好介紹,於是小編就同佢一齊去試。The Butcher’s Club係中環都有分店,店內環境廿個美國風,全部都係高櫈吧枱。唔好諗住一入去就有位,店面面積都係比較細,大概有三十個座位。一入到去我地就自己搵個位坐低先,友人介紹我食hot town同wu tang burger。點知hot town已經一早賣晒,於是就係店員介紹下叫左wu tang, the gamblers同埋2支cider。係收銀處買完飛後,店員會大叫飛號並送上即點即製的漢堡包,連服務都有American’s Style呀。

IMAG0119

IMAG0122
首先介紹下wu tang呢個漢堡,佢係韓式漢堡包黎,充滿肉汁的漢堡扒上面放住一大堆泡菜,認真夠惹味。而the gamblers就未必人人接受到喇,事關佢個醬汁係非常濃烈的blue cheese醬,同埋留意呀,呢個係雞堡唔係牛堡黎嫁。如果接受到blue cheese味道的食家就會好喜歡呢個包了。除左包之外,小編同友人都叫左份薯條。呢個薯條值得一讚,黎到非常乾身,特別的係呢到的薯條係用鴨油炸,上枱油膩感冇普通薯條咁重,食落亦較為香口。

IMAG0118
其實小編相比起漢堡,更加想介紹下個兩支Cider。原因好簡單,因為真係勁好飲!Cider酒精濃度4.5%,有士多啤梨味同青檸味。如果飲酒喜歡飲果味重的人士,就會覺得飲左士多啤梨味之後好幸福。事關Cider的士多啤梨味超級濃郁,入口完全冇酒精味道。留意番,呢款Cider唔係到到有得賣,小編只係係便利店見過一次就冇再見過喇。

餐廳地址: 灣仔蘭杜街2號麗都大廈10號地舖

旺角特色手工啤酒 傾計夠晒就腳

係小編學校附近有一間專賣本地同歐洲手工啤油的餐廳,小編已經由佢裝修開始一直留意左佢好耐,但一直都未搵到時間去試番一次。時隔五個月,終於俾小編捉埋朋友去試下!

今次小編叫左三樣比較特別的食物:腐乳芝士火鍋﹑白汁蜆肉磨菇狗仔粉同避風塘薯條。友人黎到食物岩岩好到齊!

餐廳環境不算嘈雜,大部分坐位都係吧枱,仲開到凌晨添,岩晒一眾鍾意邊食邊同朋友傾計的為食貓啦。不過去之前記得預早訂位,餐廳座位數量不多,次次去到都要等位,訂定就唔駛煩專心等食。

IMAG0103

IMAG0107先講下個腐乳芝士火鍋,食落有好濃厚芝士味,不過因為用腐乳調味會較咸,未必人人接受到。而個避風塘薯條炸得夠香脆,配合埋避風塘炒蟹的刺激味道,叫人一試再試。仲有仲有,個狗仔粉的汁夠晒creamy滑溜,仲落左大量蘑菇去做,夠晒足料,果然有驚喜!

IMAG0110

IMAG0104

不過今次最重要的係店舖主打售賣手工啤酒,當中有陀地小麥手工啤酒之餘,仲有高達六十款黎自歐洲各國的特色啤酒。你話你唔飲酒?唔緊要,餐廳都有幾款無酒精特調飲品提供。小編今次就叫左一杯紫色的飲品,入面有士多啤梨等莓類飲品,送兩包爆炸糖。好奇一問店員包爆炸糖係咩意思,原來係食左包糖再飲,成件事就會變左好似汽水咁。不過味道略帶小小藥水味,唔喜歡的朋友就可以叫另一杯喇。

餐廳就係旺角山東街同染布房街交界(麥花臣球場對面),地點勁就腳,快啲去試下啦!

地址:旺角染布房街7-8D地下

平價韓國菜Gimbap Gallery

實不相瞞,住大埔的小編又發現到一間勁岩傾計的韓國餐廳喇。上星期南盛街見到間韓國餐廳想試好耐,琴日終於俾小編去到食!

其實經過門口就會俾佢的裝修吸引住,餐廳以木製傢俱做主題,舖面大概坐到二十人。一面係梳化位,另一面就係木椅子,仲貼心地安排左兩個吧枱位置望街景,方便客人傾計。

IMAG0138

一坐低店員就會為客人送上餐湯同泡菜,餐湯都算有心思,係南瓜湯,入面仲有大大舊煮到軟綿綿的南瓜,岩晒健康一族。落單時店員都會貼心介紹埋午餐同特別餐牌。午餐由50至70蚊左右,可以加配飲品。單係紫菜飯卷已經有成五種口味,仲有炒年糕﹑拉麵同鐵板炒飯類簡,夠晒多選擇。如果多啲人黎嘅話仲可以叫埋小食添。

IMAG0137

問一問店員有咩好推介,佢就介紹左煎餃同海鮮煎餅。小編今次就叫左一份墨魚汁紫菜飯卷($52)﹑芝士海鮮炒年糕($62)同埋煎餃($28)。

IMAG0146

IMAG0144

IMAG0139

墨魚汁紫菜飯卷味道不過不失,味道較淡小小,如果麻油味再重點點就更加好。而芝士海觧炒年糕外型不俗,表面舖滿大量芝士。年糕煮得夠Q彈,份量唔細,入面仲有青口同魷魚,算係值得一試。到左重頭戲煎餃,開頭小編以為店員求其介紹啲野食俾我,點知原來內有玄機。唔好睇煎餃個樣平平無奇,一咬落去,肉汁多到彈出來,留意番,係真係彈出來嫁!餡料就係菜肉粉絲餡,再配合埋由辣醬同醋製成嘅醬汁,小編食得非常滋味。而咁精彩嘅煎餃只需要28蚊就有5隻喇,抵到暈。

餐廳地址: 大埔南盛街17號地舖  

大埔墟自家製瑞典肉丸午餐

今日小編經過大埔墟時有啲肚餓,打算去搵間餐廳坐下食個午餐再游水,點知就俾我遇到呢間勁正既西餐廳。

餐廳係大埔墟南盛街林村小巴站對面,舖面大概坐得十幾人,望一望個午餐餐牌,最平個餐都唔過五十蚊。於是問下老闆娘有咩好推介,熱情的老闆娘就介紹左我食牛扒同埋肉丸。

IMAG0130(1)

午餐除左主菜之外配有沙律同配菜。野食一到,緊係試一試前菜沙律先。沙律有蕃茄同青瓜,份量適中之餘亦落左醋調味,酸酸地夠晒開胃!試試主菜牛扒肉質有小小粗糙,但煎得幾香同唔會太熟,容易入口。至於肉丸就真係冇得輸喇!佢個樣望落好似好硬咁,實情係外脆內軟,一咬開仲有好豐富的肉汁,

小編都忍唔住流左啖口水。老闆娘話肉丸仲係自家製添,完全值回票價。再點一點個白汁試下,好食到停唔到口。至於配菜就可以選擇飯﹑意粉或者薯仔,我就簡左薯仔試下。出到黎係切粒薯仔,煮到入口即溶但又唔會太軟身,我都食到停唔到口。

 

IMAG0129
咁豐富的一份瑞典肉丸午餐只需要$48蚊,如果唔夠食可以加5蚊換個餐湯,包埋餐飲嫁喇。住大埔的朋友仔快啲去幫襯下。琛仔小廚就位於大埔墟南盛街去林村小巴站對面,留意番小店逄星期一休息呀!

全新勁邪惡火山芝士雞鍋

話說吉野家新出咗個超誘人的火山芝士雞鍋,湯底有車打芝士湯及火山雞湯,小編為芝士狂迷,當然要即刻去試食下啦。一拿到雞鍋即刻聞到好香濃的芝士味,打開 睇睇真係哇咗出黎!入面配料都算唔錯,有6-8件雞件﹑為數不少的青椒同洋蔥。本身雞件已經熟咗,只須等鍋中芝士融化就可以食。一夾起件雞,條芝士絲長到 可以卷晒成件雞,雞肉肉質算唔錯,不過要小心睇火,一過咗龍件雞就會燶同痴底。食完雞肉仲可以加埋火山雞湯落鍋到,再放個即食麵落去即刻變韓式芝士麵。如 果唔喜歡太膩的朋友可以再加多一碗湯,等佢變成芝士湯麵。小編提提大家,當麵一熟就熄火,咁就有好好味的芝士撈麵食了。溫馨小提示,緊記唔好著白色衫去 食,芝士一滾仲勁過滾油,隨時彈到一身都係。火山芝士雞鍋價值$59.9,可以選擇要即食麵﹑烏冬或者韓式粉絲,岩岩好一個人份量,以後想食雞煲可以唔駛去創興喇!